ქ.კონსტანცაში გამართულ ფორუმში „კასპიისა და შავი ზღვის კორიდორი და კონსტანცას პორტი - გზა ევროპისკენ“ მონაწილეობა მიიღო და სიტყვით გამოვიდა საქართველოს ელჩი თამარ ბერუჩაშვილი

ა.წ. 6-7 აპრილს ქ. კონსტანცაში საქართველოს ელჩმა თამარ ბერუჩაშვილმა მონაწილეობა მივიღო და სიტყვით გამოვიდა კონსტანცას პორტის ბიზნეს ასოციაციისა (CPBA) და რუმინეთში ყაზახეთის რესპუბლიკის საელჩოს მიერ ორგანიზებულ ფორუმში „კასპიისა და შავი ზღვის კორიდორი და კონსტანცას პორტი - გზა ევროპისკენ“.

ამ თემაზე ფორუმი პირველად გაიმართა რუმინეთის ბიზნეს-წრეებისა და დიპლომატების ინიციატივითა და მონაწილეობით. ღონისძიებაზე სიტყვით გამოვიდა რუმინეთის ეკონომიკის მინისტრი - ფლორინ სპატარუ, პრემიერ-მინისტრის მრჩეველი - მიჰნეა დრუმეა, TRACECA-ს სამდივნოს წარმომადგენელი - მაგდალენა გრიგორი და შუა დერეფნის პროექტის (TITR) გენერალური მდივანი - გაიდარ აბდიქერიმოვი.

აღსანიშნავია, რომ ღონისძიებაში მონაწილეობა მიიღო 8 ქვეყნის 150-მდე კომპანიის წარმომადგენელმა, მათ შორის საქართველოს წარმოადგენდა 5 კომპანია (‘CBS Group LLC“, „JSC Georgia Railways“, „Pontos Maritime Consulting LLC“, „GM Logistic“ და „GA Logistics“).