20 აპრილს, რუმინეთის ეროვნულ ბიბლიოთეკაში, საელჩოს ორგანიზებით, გაიმართა დედა ენის დღისადმი მიძღვნილი გამოფენა
დღეს, რუმინეთის ეროვნულ ბიბლიოთეკაში, საქართველოს საელჩოს ორგანიზებით და ბიბლიოთეკის ხელშეწყობით, გაიმართა დედა ენის დღისადმი მიძღვნილი გამოფენა. დამსწრე საზოგადოებას მისასალმებელი სიტყვით მიმართა საქართველოს ელჩმა თამარ ბერუჩაშვილმა და ბიბლიოთეკის დირექტორმა პროფ. ადრიან ჩოროიანუმ.
ღონისძიებაზე წარმოდგენილი იყო ექსპოზიცია “ქართული ანბანის სამი სახეობა“. აქვე შედგა ქართული ენისადმი მიძღვნილი ვიდეოკოლაჟის პრეზენტაცია. სტუმართა შორის იყვნენ რუმინეთში აკრედიტირებული დიპლომატები, სამთავრობო და აკადემიური წრეების წარმომადგენლები, რომელთაც საშუალება ჰქონდათ დაეგემოვნებინათ ქართული ღვინო და დაეთვალიერებინათ ქართული წიგნები და ხელნაკეთი სუვენირები.
ქართული ანბანის გამოფენა რუმინეთის ეროვნულ ბიბლიოთეკაში იქნება ღია მსურველთათვის 3 მაისამდე.
